ಕಿಡ್ನಾಪ್ ಮಾಡಿ ಜೈಲಿಗೆ ಹೋಗಿದ್ರಾ ಮೋಕ್ಷಿತಾ ಪೈ? ದೊಡ್ಮನೆಯಲ್ಲಿರುವ ಮುಗ್ಧೆಯ ಮತ್ತೊಂದು ಮುಖ ಬಯಲು

ಕಿರುತೆರೆ ವೀಕ್ಷಕರಿಗೆ ಮೋಕ್ಷಿತಾ ಪೈ ಚಿರಪರಿಚಿತ. ಝೀ ಕನ್ನಡ ವಾಹಿನಿಯಲ್ಲಿ ಪ್ರಸಾರ ಕಂಡ ಪಾರು ಖ್ಯಾತಿ ಮುಗ್ಧ ಮುಖದ ಸುಂದರಿ ಊಗ ಬಿಗ್ ಬಾಸ್ ಕನ್ನಡದಲ್ಲಿ ಮೋಡಿ ಮಾಡ್ತಿದ್ದಾರೆ. ದೊಡ್ಮನೆಯಲ್ಲಿ ಆಟ ಆಡ್ತೀರುವ ಮೋಕ್ಷಿಯ ಮತ್ತೊಂದು ಮುಖದ ಅನಾವರಣ ಆಗ್ತಿದೆ. ಮೋಕ್ಷಿತಾಗೆ ಗೊತ್ತಾಗದಂತೆ ಆಕೆಯ ಹಳೆ ಪ್ರಕರಣ ಸುದ್ದಿ ಮಾಡ್ತಿದೆ. 10 ವರ್ಷಗಳ ಹಿಂದಿನ ಪ್ರಕರಣವೊಂದರಲ್ಲಿ ಭಾಗಿಯಾಗಿದ್ದ ವರದಿ ಈಗ ಸೋಷಿಯಲ್ ಮೀಡಿಯಾದಲ್ಲಿ ವರದಿಯಾಗುತ್ತಿದೆ.

ಬಿಗ್‌ಬಾಸ್ ಮನೆಗೆ ಎಂಟ್ರಿ ಕೊಟ್ಟ ಆರಂಭದಲ್ಲಿ ಮೋಕ್ಷಿತಾ ಪೈ ಸೈಲೆಂಟ್ ಆಗಿ ಇದ್ದರು. ಆದರೆ, 50 ದಿನಗಳನ್ನು ಪೂರೈಸಿದ ಬಳಿಕ ಮೋಕ್ಷಿತಾ ಪೈ ಪೈಪೋಟಿಗೆ ನಿಂತಿದ್ದಾರೆ. ಸದ್ಯ ಮೋಕ್ಷಿತಾರನ್ನು ಇಷ್ಟಪಡುವ ವರ್ಗ ಒಂದು ಕಡೆ, ವಿರೋಧಿಸುವ ವರ್ಗ ಮತ್ತೊಂದು ಕಡೆ ಸೋಶಿಯಲ್ ಮೀಡಿಯಾದಲ್ಲಿ ಚರ್ಚೆಗೆ ಬಿದ್ದಿದ್ದಾರೆ.

ಈ ಮಧ್ಯೆ ಮೋಕ್ಷಿತಾ ಪೈ 10 ವರ್ಷಗಳ ಹಿಂದೆ ಪೊಲೀಸರ ಅತಿಥಿಯಾಗಿದ್ದರು ಅನ್ನೋ ಸುದ್ದಿ ಸೋಶಿಯಲ್ ಮೀಡಿಯಾದಲ್ಲಿ ಸದ್ದು ಮಾಡುತ್ತಿದೆ. ಹಾಗೇ ಮೋಕ್ಷಿತಾ ಪೈ ಅಸಲಿ ಹೆಸರು ಇದಲ್ಲ ಬೇರೆನೇ ಅಂತ ಹೇಳಲಾಗುತ್ತಿದೆ. ಅಸಲಿಗೆ ನಟಿ ಮೋಕ್ಷಿತಾ ಕೇಸ್ ಏನು? ನಿಜಕ್ಕೂ ಇವರನ್ನು ಬಂಧಿಸಲಾಗಿತ್ತೇ? ಅನ್ನೋದನ್ನು ತಿಳಿಯಲು ಮುಂದೆ ಓದಿ.

ಮೋಕ್ಷಿತಾ ಪೈ ಅವರನ್ನು 10 ವರ್ಷಗಳ ಹಿಂದೆ ಅರೆಸ್ಟ್ ಮಾಡಲಾಗಿತ್ತು ಅನ್ನೋ ಸುದ್ದಿ ಅವರ ಅಭಿಮಾನಿಗಳ ನಿದ್ದೆ ಕೆಡಿಸಿದೆ. ಈ ಸುಂದರಿಯ ಹಿಂದೆ ಇಂತಹದ್ದೊಂದು ಕಥೆ ಇದೆಯೇ ಎಂದು ಅಚ್ಚರಿ ಪಡುತ್ತಿದ್ದಾರೆ. ಕಳೆದ ಕೆಲವು ದಿನಗಳಿಂದ ಮೋಕ್ಷಿತಾ ಬಾಲಕಿಯೊಬ್ಬಳನ್ನು ಕಿಡ್ನಾಪ್ ಮಾಡಿ ಪೋಲಿಸರ ಅತಿಥಿಯಾಗಿದ್ದರು ಅನ್ನೋ ಸುದ್ದಿ ಹರಿದಾಡುತ್ತಿದೆ.

ಮೋಕ್ಷಿತಾ ಪೈ ಹಾಗೂ ಆಕೆಯ ಬಾಯ್‌ಫ್ರೆಂಡ್ ಅನ್ನು 9 ವರ್ಷದ ಬಾಲಕಿಯನ್ನು ಅಪಹರಣ ಮಾಡಿದ್ದಕ್ಕೆ 10 ವರ್ಷಗಳ ಹಿಂದೆ ಬಂಧಿಸಲಾಗಿತ್ತು ಎನ್ನುವ ಸುದ್ದಿ ಹಬ್ಬಿದೆ. ಅಷ್ಟಕ್ಕೂ ಘಟನೆ ಏನು ಅಂದರೆ, ಕಿರುತೆರೆಗೆ ಎಂಟ್ರಿ ಕೊಡುವುದಕ್ಕೂ ಮುನ್ನ ಮೋಕ್ಷಿತಾ ಪೈ ಮಕ್ಕಳಿಗೆ ಟ್ಯೂಷನ್ ಹೇಳಿಕೊಡುತ್ತಿದ್ದರು. ಬಿಕಾಂ ಪದವೀಧರೆಯಾಗಿದ್ದ ಮೋಕ್ಷಿತಾ ಪೈಗೆ ಎಂಬಿಎ ಪದವಿ ಮಾಡಿದ್ದ ನಾಗಭೂಷಣ್ ಎಂಬ ಬಾಯ್‌ಫ್ರೆಂಡ್ ಇದ್ದು, ಇಬ್ಬರೂ ಸೇರಿ ಟ್ಯೂಷನ್‌ಗೆ ಬರುತ್ತಿದ್ದ ಹೆಣ್ಣು ಮಗಳನ್ನು ಕಿಡ್ನಾಪ್ ಮಾಡಿದ್ದಾರೆಂಬ ಸುದ್ದಿ ಹಬ್ಬಿದೆ.

ಅಂದ್ಹಾಗೆ ಮೋಕ್ಷಿತಾ ಪೈ ಅಸಲಿ ಹೆಸರು ಐಶ್ವರ್ಯಾ ಎಂದೂ ಹೇಳಲಾಗುತ್ತಿದೆ. 2014ರಲ್ಲಿ ಐಶ್ವರ್ಯಾ ಆಗಿದ್ದ ಮೋಕ್ಷಿತಾ ಪೈ ಮಕ್ಕಳಿಗೆ ಟ್ಯೂಷನ್ ಅನ್ನು ಹೇಳಿಕೊಡುತ್ತಿದ್ದರು. ಬಾಯ್‌ಫ್ರೆಂಡ್ ಜೊತೆ ಸೇರಿಕೊಂಡು ಹೊಟೇಲ್ ಉದ್ಯಮಿಯ 9 ವರ್ಷದ ಮಗಳನ್ನು ಅಪಹರಣ ಮಾಡಿದ್ದರು. ಅದು ಪೊಲೀಸ್ ವಿಚಾರಣೆ ವೇಳೆ ಬೆಳಕಿಗೆ ಬಂದಿತ್ತು. ಆಗ ಇವರಿಬ್ಬರನ್ನೂ ಅರೆಸ್ಟ್ ಮಾಡಿದ್ದರು ಎಂದು ವರದಿಯಾಗಿತ್ತು. ಅಸಲಿಗೆ ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿರುವ ಸುದ್ದಿಯ ಹಿನ್ನೆಲೆಯೇನು ಅನ್ನೋದನ್ನು ಮೋಕ್ಷಿತಾ ಪೈ ಅವರೇ ಹೇಳಬೇಕಿದೆ.

10 ವರ್ಷಗಳ ಹಿಂದೆ ಮೋಕ್ಷಿತಾ ಪೈ ಅವರನ್ನು ಬಂಧಿಸಿದ್ದು ನಿಜವೇ? ಮೋಕ್ಷಿತಾ ಪೈ ಅವರ ಅಸಲಿ ಹೆಸರು ಐಶ್ವರ್ಯಾನೇನಾ? ಈ ಎಲ್ಲಾ ಪ್ರಶ್ನೆಗಳಿಗೆ ಮೋಕ್ಷಿತಾ ಬಿಗ್ ಬಾಸ್ ಮನೆಯಿಂದ ಹೊರ ಬಂದ್ಮೇಲೆ ಉತ್ತರ ನೀಡಬೇಕಿದೆ. ಸದ್ಯ ಇದು ಸೋಶಿಯಲ್ ಮೀಡಿಯಾದಲ್ಲಿಇಂತಹದ್ದೊಂದು  ಸುದ್ದಿ ಹರಿದಾಡುತ್ತಿದ್ದು, ಮೋಕ್ಷಿತಾ ಅಭಿಮಾನಿಗಳಿಗೆ ಶಾಕ್ ಕೊಟ್ಟಿದೆ.