ಬಂಟ್ವಾಳ: ಮನೆಗೆ ಸಿಡಿಲು ಬಡಿದು ಹಾನಿ – ಕಷ್ಟಕ್ಕೆ ಸ್ಪಂದಿಸಿದ ಗೆಳೆಯರ ಬಳಗ ಆರಿಕಲ್ಲು

ಬಂಟ್ವಾಳ : ಮನೆಯೊಂದಕ್ಕೆ ಸಿಡಿಲು ಬಡಿದ ಪರಿಣಾಮ ಅಪಾರ ಹಾನಿಯುಂಟಾದ ಘಟನೆ ನಡೆದಿದ್ದು, ಬಡಕುಟುಂಬದ ಕಷ್ಟಕ್ಕೆ ಗೆಳೆಯರ ಬಳಗ ಆರಿಕಲ್ಲು ನೆರವಾಗಿದೆ.

ಬಂಟ್ವಾಳ ತಾಲೂಕಿನ ಕಡೇಶಿವಾಲಯ ಗ್ರಾಮದ ಪಡ್ಡಂಗೆ ಶ್ರೀ ಕೇಶವ ಪೂಜಾರಿಯವರ ಮನೆಗೆ ದಿನಾಂಕ-30-09-2024 ರಂದು ಸಿಡಿಲು ಬಡಿದು ವಿಪರೀತ ಹಾನಿಗೊಳಗಾದ ಸಂದರ್ಭದಲ್ಲಿ ತಕ್ಷಣವೇ ಗೆಳೆಯರ ಬಳಗ ಆರಿಕಲ್ಲು ಇದರ ಸದಸ್ಯರ ಸಮ್ಮುಖದಲ್ಲಿ ಬಳಗದ ತುರ್ತು ನಿಧಿಯಿಂದ 10,000 ರೂ. ನೀಡಿ ಸಹಕರಿಸಿದ್ದಾರೆ.

ಈ ಸಂದರ್ಭದಲ್ಲಿ ಗೆಳೆಯರ ಬಳಗ ಆರಿಕಲ್ಲು ಇದರ ಪದಾಧಿಕಾರಿಗಳು ಸೇರಿದಂತೆ ಸದಸ್ಯರು ಉಪಸ್ಥಿತರಿದ್ದರು.