ನಿರ್ದೇಶಕ, ನಟ, ಬರಹಗಾರ ಮಠ ಖ್ಯಾತಿಯ ಗುರುಪ್ರಸಾದ್ ಆತ್ಮಹತ್ಯೆಗೆ ಶರಣಾಗಿದ್ದು ಈಗ ಎಲ್ಲರಲ್ಲೂ ಅಚ್ಚರಿಯನ್ನುಂಟು ಮಾಡಿದೆ.
ಗುರುಪ್ರಸಾದ್ರನ್ನು ಹತ್ತಿರದಿಂದ ಬಲ್ಲವರು ಗುರುಪ್ರಸಾದ್ ಆತ್ಮಹತ್ಯೆ ಮಾಡಿಕೊಳ್ಳುವಷ್ಟು ಸೂಕ್ಷ್ಮ ಮನಸ್ಸಿನವರು ಆಗಿರಲಿಲ್ಲ ಎಂದೇ ಹೇಳುತ್ತಿದ್ದಾರೆ. ಇದರಾಚೆಯೂ ಇಂತಹ ದುರಂತವೊಂದು ನಡೆದು ಹೋಗಿದೆ.
ಸದ್ಯ ಗುರುಪ್ರಸಾದ್ ಆತ್ಮಹತ್ಯೆಗೆ ಶರಣಾದ ಅಪಾರ್ಟ್ಮೆಂಟ್ನ್ನು ಪೊಲೀಸರು ಸೀಜ್ ಮಾಡಲಾಗಿದೆ. ಮಾದಹನಾಯಕನಹಳ್ಳಿ ಪೊಲೀಸರಿಂದ ಫ್ಲ್ಯಾಟ್ ನಂಬರ್ 27011ನ್ನು ಸೀಜ್ ಮಾಡಲಾಗಿದೆ.
ಪೊಲೀಸರು ಇನ್ನೂ ಹಲವು ಪ್ರಕ್ರಿಯೆಗಳನ್ನು ಪೂರ್ಣಗೊಳಿಸಬೇಕಾಗಿದ್ದು ಆ ಹಿನ್ನೆಲೆ ಅಪಾರ್ಟ್ಮೆಂಟ್ ಸೀಜ್ ಮಾಡಲಾಗಿದೆ.
ಮಠ ಸಿನಿಮಾ ಮೂಲಕವೇ ಖ್ಯಾತಿ ಪಡೆದ ಇವರು ಸಾಲು ಸಾಲು ಮೂವಿಗಳಲ್ಲಿ ಅಭಿನಯ ಮಾಡಿದರು. ಜೊತೆಗೆ ಮೂರು ಚಿತ್ರಗಳಿಗೆ ಡೈಲಾಗ್ ರೈಟರ್ ಆಗಿ ಗುರುಪ್ರಸಾದ್ ಕೆಲಸ ಮಾಡಿದ್ದರು. ವಿಶಲ್, ಸೂಪರ್ ರಂಗಾ ಹಾಗೂ ಪುನೀತ್ ರಾಜ್ಕುಮಾರ್, ಲೂಸ್ ಮಾದ, ಶ್ರೀನಗರ ಕಿಟ್ಟಿ ನಟನೆಯ ಹುಡುಗರು ಮೂವಿಗೆ ಸಂಭಾಷಣೆ ಬರೆದಿದ್ದರು.