ಕನ್ನಡದ ಖ್ಯಾತ ನಿರ್ಮಾಣ ಸಂಸ್ಥೆಯಾದ ಹೊಂಬಾಳೆ ಫಿಲ್ಮ್ಸ್ ಜೊತೆಗೆ ಪ್ರಭಾಸ್ ಅವರು 3 ಸಿನಿಮಾಗಳ ಒಪ್ಪಂದ ಮಾಡಿಕೊಂಡಿರುವ ಬೆನ್ನಲ್ಲೇ ಹೊಸ ಸಿನಿಮಾ ಘೋಷಣೆ ಮಾಡಿದೆ. ನವೆಂಬರ್ 15 ರಂದು ಪೋಸ್ಟರ್ ಒಂದನ್ನು ಹಂಚಿಕೊಂಡಿದ್ದು, ಸಿನಿಮಾದ ಕುರಿತು ಕುತೂಹಲ ಹುಟ್ಟಿಸಿದೆ.
ಈ ಸಾರಿ ಹೊಂಬಾಳೆ ಫ್ಯಾಂಟಸಿ ಅಥವಾ ಪೌರಾಣಿಕ ಆಧಾರಿತ ಸಿನಿಮಾ ಮಾಡುತ್ತಿದೆ ಎಂದು ನೆಟ್ಟಿಗರು ಮಾತಾಡಿಕೊಳ್ಳುತ್ತಿದ್ದಾರೆ. ಸಲಾರ್‌ 2 ಹಾಗೇ ಪ್ರಭಾಸ್‌ಗೆ ಇನ್ನೆರಡು ಸಿನಿಮಾ ಸೇರಿದಂತೆ ಮತ್ತೊಂದು ಸಿನಿಮಾ ಇದೀಗ ಅನೌನ್ಸ್‌ ಮಾಡಿದೆ.
ಪೋಸ್ಟರ್ ನಲ್ಲಿ ಕೈತುಂಬಾ ರೋಮ, ಕೈಖಡಗ, ನೀಳವಾದ ಚೂಪಾದ ಉಗುರುಗಳು, ಉಗುರಿನಲ್ಲಿ ರಕ್ತದ ಕಲೆಯಿದೆ. ಇದನ್ನು ಊಹಿಸಿ ಜನರು, ಇದೊಂದು ಪೌರಾಣಿಕ ಕಥೆ. ನರಸಿಂಹ ಅವತಾರದ ಕಥೆ ಹೇಳಲು ಹೊರಟಿದ್ದಾರೆ ಎಂದು ಕಾಮೆಂಟ್ ಮಾಡುತ್ತಿದ್ದಾರೆ. “ನಂಬಿಕೆಗೆ ಸವಾಲು ಬಂದಾಗ ಅವನು ಬರುತ್ತಾನೆ”(When faith is challenged, he appears) ಎಂಬ ಅಡಿಬರಹವನ್ನು ನೀಡಿದೆ.
ನ.16ರ ಮಧ್ಯಾಹ್ನ 3.33 ಕ್ಕೆ ಸಿನಿಮಾದ ಫಸ್ಟ್ ಲುಕ್ ಬಿಡುಗಡೆಯಾಗಲಿದೆ. ಇದಷ್ಟು ಹೊರತುಪಡಿಸಿ ಇನ್ನೂ ಹೆಚ್ಚಿನ ಮಾಹಿತಿಯನ್ನು ಹೊಂಬಾಳೆ ಫಿಲ್ಡ್ ಬಿಟ್ಟು ಕೊಟ್ಟಿಲ್ಲ. ಸದ್ಯ ಹೊಂಬಾಳೆಯ ಈ ಪೋಸ್ಟರ್ ಗೆ ವಿವಿಧ ರೀತಿಯಲ್ಲಿ ಜನರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
