ಕಾಪು: ತ್ಯಾಜ್ಯ ಪೇಪರ್ ಸಾಗಾಟ ವಾಹನ ಪಲ್ಟಿ

ಕಾಪು: ಕೊಪ್ಪಲಂಗಡಿಯಲ್ಲಿ ಪೇಪರ್ ತ್ಯಾಜ್ಯ ಸಾಗಾಟ ಲಾರಿಯೊಂದು ಪಲ್ಟಿಯಾಗಿ ಚಾಲಕ ಅದೃಷ್ಟವಶಾತ್ ಪಾರಾದ ಘಟನೆ ನಡೆದಿದೆ.

ಮಂಗಳೂರಿನಿ0ದ ಭದ್ರಾವತಿಗೆ ಪೇಪರ್ ತ್ಯಾಜ್ಯವನ್ನು ಸಾಗಿಸಲಾಗುತ್ತಿತ್ತು. ಅನಿವಾರ್ಯ ಕಾರಣಕ್ಕೆ ಕಾರ್ಕಳದ ಅಜೆಕಾರಿಗೆ ಹೋಗಿ ಹಣ ಪಡೆಯಬೇಕಾಗಿತ್ತು. ಈ ಹಿನ್ನಲೆ, ಪಡುಬಿದ್ರಿ ಮೂಲಕ ಕಾರ್ಕಳ ತಲುಪಲು ಲಾರಿಯನ್ನು ಕೊಪ್ಪಲಂಗಡಿ ಹೆದ್ದಾರಿ ಡೈವರ್ಷನಲ್ಲಿ ಯೂ ಟರ್ನ್ ಹೊಡೆದಾಗ ಶಬ್ದ ಬಂದದನ್ನು ಗಮನಿಸಿ ಅಲ್ಲೇ ನಿಲ್ಲಿಸಿ ಕೆಳಗಿಳಿದು ಗಮನಿಸುತ್ತಿದಂತೆ, ಲಾರಿಯ ಬಾಡಿಭಾಗ ಚೇಸ್‌ನಿಂದ ಬೇರ್ಪಟ್ಟು ಮುಗುಚಿ ಬಿದ್ದಿದೆ.

ಆ ಸಂದರ್ಭ ಯಾವುದೇ ವಾಹನ ಸಂಚಾರ ಇಲ್ಲದ ಕಾರಣ ಯಾವುದೇ ಸಾವು ನೋವು ಸಂಭವಿಸಿಲ್ಲ. ಬಾರೀ ಹಳೆಯ ವಾಹನ ಇದಾಗಿದ್ದು ಹೆದ್ದಾರಿಯಲ್ಲಿ ಸಂಚರಿಸಲು ಯೋಗ್ಯವೇ ಇಲ್ಲದ ಈ ವಾಹನವನ್ನು ಸಂಚರಿಸಲು ಅನುಮತಿಸಿದ ಆರ್‌ಟಿಓ ಇಲಾಖೆಯ ವಿರುದ್ಧ ಸ್ಥಳದಲ್ಲಿ ಸೇರಿದ ಜನ ಆಕ್ರೋಶ ವ್ಯಕ್ತ ಪಡಿಸಿದ್ದಾರೆ.

ವರದಿ: ಸುರೇಶ್ ಎರ್ಮಾಳ್