CBSE (ಸೆಂಟ್ರಲ್ ಬೋರ್ಡ್ ಆಫ್ ಸೆಕೆಂಡರಿ ಎಜುಕೇಶನ್) 10 ಮತ್ತು 12ನೇ ತರಗತಿಯ ಬೋರ್ಡ್ ಪರೀಕ್ಷೆಗಳು ಫೆಬ್ರವರಿ 15, 2025 ರಿಂದ ಪ್ರಾರಂಭವಾಗುತ್ತಿವೆ. ಮೊದಲ ದಿನ 10 ನೇ ತರಗತಿಯ ವಿದ್ಯಾರ್ಥಿಗಳು ಇಂಗ್ಲಿಷ್ (ಕಮ್ಯುನಿಕೇಟಿವ್) ಮತ್ತು ಇಂಗ್ಲಿಷ್ (ಲ್ಯಾಂಗ್ವೇಜ್ ಅಂಡ್ ಲಿಟರೇಚರ್) ಪರೀಕ್ಷೆಗಳನ್ನು ಬರೆಯಲಿದ್ದಾರೆ.
12ನೇ ತರಗತಿಯ ವಿದ್ಯಾರ್ಥಿಗಳು ಎಂಟರ್‌ಪ್ರಿನರ್‌ಶಿಪ್ ಪರೀಕ್ಷೆಯನ್ನು ಬರೆಯಲಿದ್ದಾರೆ. ಪರೀಕ್ಷೆಯ ಸಮಯ ಬೆಳಿಗ್ಗೆ 10:30 ರಿಂದ ಮಧ್ಯಾಹ್ನ 1:30 ರವರೆಗೆ ಇರುತ್ತದೆ. CBSE ಬೋರ್ಡ್ ಪರೀಕ್ಷೆ ಯ ವಿದ್ಯಾರ್ಥಿಗಳಿಗೆ ಅಗತ್ಯ ಮಾರ್ಗಸೂಚಿಗಳು, ಡ್ರೆಸ್ ಕೋಡ್ ಮತ್ತು ನಿಷೇಧಿತ ವಸ್ತುಗಳ ಪಟ್ಟಿ ಓದಿ.
CBSE ಬೋರ್ಡ್ ಪರೀಕ್ಷೆ 2025: ಪ್ರವೇಶ ಪತ್ರ ಮತ್ತು ಪರೀಕ್ಷಾ ಕೇಂದ್ರದ ಮಾಹಿತಿ
- ಪ್ರವೇಶ ಪತ್ರಗಳನ್ನು ಪರಿಕ್ಷಾ ಸಂಗಮ ಪೋರ್ಟಲ್‌ನಲ್ಲಿ ಶಾಲಾ ಲಾಗಿನ್ ಮೂಲಕ ಬಿಡುಗಡೆ ಮಾಡಲಾಗಿದೆ.
ನಿಯಮಿತ ವಿದ್ಯಾರ್ಥಿಗಳು ಪ್ರವೇಶ ಪತ್ರದೊಂದಿಗೆ ಶಾಲಾ ಐಡಿ ತರಬೇಕು.
ಖಾಸಗಿ ವಿದ್ಯಾರ್ಥಿಗಳು ಪ್ರವೇಶ ಪತ್ರ ಮತ್ತು ಸರ್ಕಾರಿ ಫೋಟೋ ಗುರುತಿನ ಚೀಟಿಯನ್ನು ತರಬೇಕು.
CBSE ಬೋರ್ಡ್ ಪರೀಕ್ಷೆ 2025 ರಲ್ಲಿ 44 ಲಕ್ಷ ವಿದ್ಯಾರ್ಥಿಗಳ ನೋಂದಣಿ: ಈ ವರ್ಷ CBSE ಬೋರ್ಡ್ ಪರೀಕ್ಷೆಯಲ್ಲಿ ಸುಮಾರು 44 ಲಕ್ಷ ವಿದ್ಯಾರ್ಥಿಗಳು ಭಾರತ ಮತ್ತು ವಿದೇಶಗಳ 8,000 ಶಾಲೆಗಳಿಂದ ಪರೀಕ್ಷೆ ಬರೆಯಲಿದ್ದಾರೆ.
CBSE ಬೋರ್ಡ್ ಪರೀಕ್ಷೆಯಲ್ಲಿ ಏನು ಮಾಡಬೇಕು ಮತ್ತು ಏನು ಮಾಡಬಾರದು.?
- ಪ್ರವೇಶ ಪತ್ರ ಮತ್ತು ಶಾಲಾ ಐಡಿ (ಖಾಸಗಿ ವಿದ್ಯಾರ್ಥಿಗಳಿಗೆ ಸರ್ಕಾರಿ ಐಡಿ).
ಪಾರದರ್ಶಕ ಪೌಚ್‌ನಲ್ಲಿ ಸ್ಟೇಷನರಿಗಳಾದ ಪೆನ್ಸಿಲ್, ಜ್ಯಾಮಿತಿ ಬಾಕ್ಸ್, ನೀಲಿ/ರಾಯಲ್ ನೀಲಿ ಬಾಲ್ ಪೆನ್/ಜೆಲ್ ಪೆನ್, ಸ್ಕೇಲ್, ರಬ್ಬರ್, ಶಾರ್ಪನರ್.
ಬರೆಯಲು ಬೋರ್ಡ್, ಪಾರದರ್ಶಕ ನೀರಿನ ಬಾಟಲ್, ಮೆಟ್ರೋ ಕಾರ್ಡ್, ಬಸ್ ಪಾಸ್ ಮತ್ತು ಅಗತ್ಯ ಹಣ.
ಅನಲಾಗ್ ವಾಚ್ ಮಾತ್ರ (ಡಿಜಿಟಲ್ ವಾಚ್ ಅಲ್ಲ).
ಡಿಸ್ಕ್ಯಾಲ್ಕುಲಿಯಾ (ಎಣಿಕೆ ಸಂಬಂಧಿತ ತೊಂದರೆ) ಇರುವ ವಿದ್ಯಾರ್ಥಿಗಳಿಗೆ ಪರೀಕ್ಷಾ ಕೇಂದ್ರವು ನೀಡಿದ ಕ್ಯಾಲ್ಕುಲೇಟರ್.
ಪರೀಕ್ಷಾ ಕೇಂದ್ರಕ್ಕೆ ಇವುಗಳನ್ನು ತರುವುದು ಕಟ್ಟುನಿಟ್ಟಾಗಿ ನಿಷೇಧಿಸಲಾಗಿದೆ- - ಮೊಬೈಲ್, ಬ್ಲೂಟೂತ್, ಇಯರ್‌ಫೋನ್, ಸ್ಮಾರ್ಟ್‌ವಾಚ್, ಹೆಲ್ತ್ ಬ್ಯಾಂಡ್, ಕ್ಯಾಮೆರಾ.
ವ್ಯಾಲೆಟ್, ಪರ್ಸ್, ಕನ್ನಡಕ (ಗಾಗಲ್ಸ್), ಹ್ಯಾಂಡ್‌ಬ್ಯಾಗ್, ಪೌಚ್.
ಪುಸ್ತಕಗಳು, ನೋಟ್‌ಬುಕ್, ಕಾಗದದ ತುಣುಕುಗಳು, ಎಲೆಕ್ಟ್ರಾನಿಕ್ ಪೆನ್, ಸ್ಕ್ಯಾನರ್, ಪೆನ್ ಡ್ರೈವ್.
ತಿಂಡಿ-ತಿನಿಸುಗಳು (ಮಧುಮೇಹ ರೋಗಿಗಳನ್ನು ಹೊರತುಪಡಿಸಿ).
ಡ್ರೆಸ್ ಕೋಡ್‌ಗೆ ಗಮನ ಕೊಡಿ
ನಿಯಮಿತ ವಿದ್ಯಾರ್ಥಿಗಳು: ಶಾಲಾ ಸಮವಸ್ತ್ರ ಧರಿಸುವುದು ಕಡ್ಡಾಯ.
ಖಾಸಗಿ ವಿದ್ಯಾರ್ಥಿಗಳು: ತಿಳಿ ಬಣ್ಣದ ಸಾಮಾನ್ಯ ಬಟ್ಟೆಗಳನ್ನು ಧರಿಸಬಹುದು.
CBSE ಬೋರ್ಡ್ ಪರೀಕ್ಷೆಯ ಸಲಹೆಗಳು
- ಪ್ರವೇಶ ಪತ್ರದಲ್ಲಿ ನೀಡಿರುವ ಸೂಚನೆಗಳನ್ನು ಎಚ್ಚರಿಕೆಯಿಂದ ಓದಿ.
ಪ್ರಶ್ನೆ ಪತ್ರಿಕೆ ಮತ್ತು ಉತ್ತರ ಪತ್ರಿಕೆಯಲ್ಲಿ ನೀಡಿರುವ ಸೂಚನೆಗಳನ್ನು ಚೆನ್ನಾಗಿ ಅರ್ಥಮಾಡಿಕೊಳ್ಳಿ.
ಶಾಂತ ಮನಸ್ಸಿನಿಂದ ಉತ್ತರಿಸಿ ಮತ್ತು ಸಮಯವನ್ನು ಸರಿಯಾಗಿ ನಿರ್ವಹಿಸಿ.
CBSE ಬೋರ್ಡ್ ಪರೀಕ್ಷೆಯಲ್ಲಿ ನಕಲು ತಡೆಯಲು ಮತ್ತು ಶಿಸ್ತು ಕಾಪಾಡಲು ಕಠಿಣ ನಿಯಮಗಳನ್ನು ಜಾರಿಗೊಳಿಸಲಾಗಿದೆ. ಈ ನಿಯಮಗಳನ್ನು ಪಾಲಿಸದಿದ್ದರೆ ಪರೀಕ್ಷೆಯನ್ನು ರದ್ದುಗೊಳಿಸಬಹುದು ಅಥವಾ ಇತರ ಶಿಸ್ತು ಕ್ರಮ ಕೈಗೊಳ್ಳಬಹುದು. ಎಲ್ಲಾ ವಿದ್ಯಾರ್ಥಿಗಳು ಪರೀಕ್ಷಾ ದಿನದಂದು ಸಮಯಕ್ಕೆ ಸರಿಯಾಗಿ ಪರೀಕ್ಷಾ ಕೇಂದ್ರಕ್ಕೆ ಬಂದು ಸಂಪೂರ್ಣ ಸಿದ್ಧತೆಯೊಂದಿಗೆ ಪರೀಕ್ಷೆ ಬರೆಯಬೇಕು.
