ಝೀ ಕನ್ನಡದಲ್ಲಿ ಪ್ರಸಾರ ಆಗುತ್ತಿರುವ ಅಣ್ಣಯ್ಯ ಸೀರಿಯಲ್ ಅಂದರೆ ಎಲ್ಲರಿಗೂ ಅಚ್ಚುಮೆಚ್ಚು. ಶಿವ ಹಾಗೂ ಪಾರು ಜೋಡಿಯನ್ನು ಜನರು ಮೆಚ್ಚಿಕೊಳ್ಳುತ್ತಿದ್ದಾರೆ. ನಿಶಾ ಅಮೂಲ್ಯ ನಟನೆಯನ್ನು ಎಲ್ಲರೂ ಕೊಂಡಾಡುತ್ತಿದ್ದಾರೆ. ಪ್ರತಿ ವಾರವೂ ಟಿಆರ್‌ಪಿಯಲ್ಲಿ ಮುಂದಿರುವ ಅಣ್ಣಯ್ಯ ಸೀರಿಯಲ್‌ನ ಜೋಡಿಯನ್ನು ನೋಡುವುದೇ ಕಣ್ಣಿಗೆ ಹಬ್ಬ.
ಹೀಗಿದೆ ಮುಖ್ಯ ತಾರಾಗಣ
ಅಣ್ಣಯ್ಯ ಧಾರಾವಾಹಿಯಲ್ಲಿ ವಿಕಾಸ್ ಉತ್ತಯ್ಯ ನಾಯಕನಾಗಿ ಕಾಣಿಸಿಕೊಂಡಿದ್ದಾರೆ. ಮೂಲತಃ ಕೊಡಗಿನವರಾದ ಈ ನಟ, ಈಗಾಗಲೇ ಮೇರಿ ಸೇರಿದಂತೆ ಕೆಲ ಸಿನಿಮಾಗಳಲ್ಲಿ ನಾಯಕನಾಗಿ ನಟಿಸಿದ್ದಾರೆ. ಜೊತೆಗೆ ಹಲವು ಶಾರ್ಟ್ ಫಿಲ್ಮಗಳಲ್ಲೂ ಬಣ್ಣಹಚ್ಚಿದ್ದಾರೆ. ಇದೀಗ ಮೊದಲ ಬಾರಿಗೆ ನಾಯಕನಾಗಿ ಕಿರುತೆರೆಗೆ ಎಂಟ್ರಿಕೊಟ್ಟಿದ್ದಾರೆ. ಗಟ್ಟಿಮೇಳ ಸೀರಿಯಲ್‌ನಲ್ಲಿ ರೌಡಿ ಬೇಬಿ (ಅಮೂಲ್ಯ) ಅಂತಲೇ ಸಿಕ್ಕಾಪಟ್ಟೆ ಖ್ಯಾತಿ ಗಳಿಸಿದ್ದ ನಿಶಾ ರವಿಕೃಷ್ಣನ್ ಈ ಧಾರಾವಾಹಿ ಹೀರೋಯಿನ್.
ನಾಯಕನ ತಂಗಿಯರು
ಉಳಿದಂತೆ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿನಯದ ಸೂಪರ್ ಹಿಟ್ ಸಿನಿಮಾ ಕಾಟೇರದಲ್ಲಿ ಆರಾಧಾನಾ ರಾಮ್ ಅವರ ಬಾಲ್ಯದ ವರ್ಷನ್‌ನಲ್ಲಿ ಕಾಣಿಕೊಂಡಿದ್ದ ಅಂಕಿತಾ ಗೌಡ, ವೈಶಂಪಾಯನ ತೀರ ಮತ್ತು ಜಲಪಾತ ಸಿನಿಮಾಗಳಲ್ಲಿ ಅಭಿನಯಿಸಿರುವ ನಾಗಶ್ರೀ ಬೇಗಾರ್, ಪ್ರತೀಕ್ಷಾ ಶ್ರೀನಾಥ್ ಹಾಗೂ ಪ್ರಾಯಶಃ ಚಿತ್ರದಲ್ಲಿ ಅಭಿನಯಿಸಿರುವ ರಾಘವಿ ನಾಯಕನ ಮುದ್ದಿನ ತಂಗಿಯರಾಗಿ ಬಣ್ಣ ಹಚ್ಚುತ್ತಿದ್ದಾರೆ.
ಕರಣ್ ಅನಂತ್ ನಿರ್ದೇಶನಲ್ಲಿ ಮೂಡಿಬರುತ್ತಿರುವ ಅಣ್ಣಯ್ಯ ಸೀರಿಯಲ್ ಅನ್ನು ನಟ ಪ್ರಮೋದ್ ಶೆಟ್ಟಿ ನಿರ್ಮಾಣ ಮಾಡ್ತಿದ್ದಾರೆ. ಸದ್ಯ ಪಾರು ಶಿವ ಜೋಡಿ ಮದುವೆಯಾಗಿದೆ. ಆದರೆ ಶಿವಣ್ಣ ಪಾರುಗೆ ಮಾತುಕೊಟ್ಟಿದ್ದಾರೆ. ಪಾರು ಪ್ರಿಯತಮನ ಜೊತೆ ಒಟ್ಟು ಸೇರಿಸುವುದಾಗಿ ಭರವಸೆ ನೀಡಿದ್ದಾರೆ. ಈಗಾಗಲೇ ಡಿವೋರ್ಸ್ ಪಡೆಯುವುದಕ್ಕೂ ಮುಂದಾಗಿದ್ದಾರೆ. ಆದರೆ ಪಾರು ಹಠ ಮಾತ್ರ ತನಗೆ ಪ್ರಿಯತಮ ಬೇಕೆಂಬುವುದಾಗಿದೆ.
ಮಿಲನ ಚಲನಚಿತ್ರದ ಕಥೆಯ ಹೊಂದಾಣಿಕೆ
ಆರ0ಭದ ಸಂಚಿಕೆಗಳಲ್ಲಿ ಮದುವೆ ಮಂಟಪದಿಂದ ಶಿವು ಹಾಗೂ ಪಾರ್ವತಿ ಓಡಿ ಹೋಗಿರುತ್ತಾರೆ. ಪಾರು ಇಷ್ಟ ಪಟ್ಟ ಹುಡುಗನೊಂದಿಗೆ ಮದುವೆ ಮಾಡಲು ಶಿವು ಪ್ರಯತ್ನ ಬರುತ್ತಾನೆ. ಆದ್ರೆ ಆತ ಸಿಗದೇ ಹೋದಾಗ, ಹುಡುಕಾಡಿ ಬೇಸತ್ತು ಮತ್ತೆ ಮದುವೆ ಮಂಟಪಕ್ಕೆ ಹೋಗುತ್ತಾರೆ. ಆ ವೇಳೆ ಸಿಟ್ಟಿನಲ್ಲಿ ಪಾರು ತಂದೆ ಶಿವು ಜೊತೆ ಮದುವೆ ಮಾಡಿಸುತ್ತಾರೆ. ಮದುವೆಯ ಮೊದಲ ರಾತ್ರಿಯಂದೇ ಪಾರು ಡಿವೋರ್ಸ್ ಕೇಳುತ್ತಾಳೆ. ಇದು ಮಿಲನ ಚಲನಚಿತ್ರದ ಕಥೆಗೆ ಹೊಂದಾಣಿಕೆಯಾಗುತ್ತಿದೆ ಎಂದು ನೆಟ್ಟಿಗರು ಕಮೆಂಟ್ ಮಾಡಿದ್ದಾರೆ.
ರೌಡಿ ಬೇಬಿ ಆಗ್ತಿದ್ದಾರೆ ಪಾರು..
ಗಟ್ಟಿಮೇಳ ಸೀರಿಯಲ್‌ನಲ್ಲಿ ಅಪಾರ ಜನಪ್ರಿಯತೆ ಗಳಿಸಿದ ನಿಶಾ ಅವರಿಗೆ ಇದು ಝೀ ಕನ್ನಡದ ಎರಡನೇ ಪ್ರಾಜೆಕ್ಟ್. ರಗಡ್ ಲುಕ್‌ನಲ್ಲಿ ಗಮನ ಸೆಳೆದಿದ್ದ ರೌಡಿ ಬೇಬಿ ಅಮೂಲ್ಯ ಎಲ್ಲದಕ್ಕೂ ಸೈ. ಅಣ್ಣಯ್ಯ ಸೀರಿಯಲ್ ನಲ್ಲೂ ಪಾರು ರೌಡಿ ಬೇಬಿಯಾಗಿ ಬದಲಾವಣೆ ಆಗ್ತಿದ್ದಾರೆ ಅಂತಿದ್ದಾರೆ ಪ್ರೇಕ್ಷಕರು. ಸೀರಿಯಲ್ ವೀಕ್ಷಕರು ಪಾರು ಅವರ ನಡೆ, ನೇರ ಮಾತು, ತಂದೆಗೆ ಸವಾಲು ಒಡ್ಡುವ ರೀತಿ, ಡೈಲಾಗ್ ಅನ್ನು ಇಷ್ಟ ಪಡುತ್ತಿದ್ದಾರೆ. ಗಟ್ಟಿಮೇಳನ ಪಾತ್ರವನ್ನೇ ಫಾರ್ವಡ್ ಆಗಿದೆ ಎಂದು ಹಲವಾರು ಮಂದಿ ಹೇಳುತ್ತಿದ್ದಾರೆ.
ಒಟ್ಟಿನಲ್ಲಿ ನಿಶಾ ಅಲಿಯಾನ್ ಪಾರು ಅವರು ಜನರ ಮನಸ್ಸು ಕದ್ದಿದ್ದಾರೆ. ಜನರು ಸಹ ಹೊಸ ಜೋಡಿಯನ್ನು ಇಷ್ಟ ಪಟ್ಟಿದ್ದಾರೆ. ಶಿವ ಪಾರ್ವತಿ ಒಟ್ಟಾಗಿ ಇರಲಿ ಎಂದು ಬಯಸ್ತಿದ್ದಾರೆ.